ڈبلیو سی ایل فائنل: اے بی ڈی ویلیئرز کی دھواں دار سنچری، پاکستان چیمپئنز کو فائنل میں شکست
Read Time:51 Second
برمنگھم : ورلڈ چیمپئن شپ آف لیجنڈز کے فائنل میچ میں جنوبی افریقا چیمپیئنز نے پاکستان چیمپیئنز کو فائنل میں 9 وکٹوں سے شکست دے دی۔
برمنگھم کے میدان میں کھیلے گئے میچ میں جنوبی افریقا چیمپیئنز نے جیت کے لیے دیا گیا 196 رنز ہدف اے بی ڈی ویلیئرز کی ناقابل شکست دھواں سنچری کی بدولت اننگز کے 17 ویں اوور میں حاصل کر لیا۔
ڈی ویلیئرز 60 گیندوں پر 120 رنز بنانے میں کامیاب ہوئے، ان کی اننگز میں 7 چھکے اور 12 چوکے شامل تھے۔ ان کے علاوہ جے پی ڈومنی نے نصف سنچری اسکور کی۔
پاکستان کی جانب سے سعید اجمل نے ایک وکٹ حاصل کی۔
میچ کے آغاز میں پاکستان نے ٹاس جیت کر پہلے بیٹنگ کا فیصلہ کیا۔ قومی ٹیم کی جانب سے شرجیل خان نے 76 رنز کی شاندار اننگز کھیلی۔
جب کہ اننگز کے اختتام پر عمر امین 36 رنز اور آصف علی 28 رنز بنا کر نمایاں رہے۔
جنوبی افریقا کی جانب سے پارنیل اور ویجیون نے دو دو کھلاڑیوں کو آوٹ کیا۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
Average Rating