ناسا نے لیموں کی شکل سے ملتا جلتا سیارہ دریافت کر لیا
Read Time:1 Minute, 35 Second
اسلام آباد: ناسا کی جیمز ویب ٹیلی اسکوپ نے لیموں جیسی شکل کا انوکھا سیارہ دریافت کر لیا۔
غیر ملکی خبر رساں ایجنسی کے مطابق ماہرینِ فلکیات نے ناسا کی جدید جیمز ویب اسپیس ٹیلی اسکوپ کی مدد سے ایک نہایت عجیب و غریب سیارہ دریافت کیا ہے۔ جس کی ساخت لیموں سے مشابہ بتائی جا رہی ہے۔
سائنس دانوں کے مطابق اس غیر معمولی سیارے کی خصوصیات ستاروں اور سیاروں کے درمیان موجود روایتی فرق کو دھندلا کرنے کی صلاحیت رکھتی ہیں۔
یونیورسٹی آف شکاگو کے ماہرین فلکیات نے اس سیارے کو PSR J2322-2650b کا نام دیا ہے۔
تحقیق کے مطابق یہ سیارہ اپنے مرکزی ستارے کے انتہائی قریب گردش کر رہا ہے۔ جہاں اس کا فاصلہ محض 10 لاکھ میل ہے۔ جو زمین اور سورج کے درمیان فاصلے سے تقریباً 100 گنا کم ہے۔
سائنس دانوں کا کہنا ہے کہ PSR J2322-2650b کا ایک سال صرف 7.8 گھنٹوں پر مشتمل ہے۔ جو اسے اب تک دریافت ہونے والے تیز ترین مدار والے سیاروں میں شامل کرتا ہے۔
اس سیارے کا مرکزی ستارہ ایک پلسر ہے۔ یعنی ایک انتہائی تیز رفتار گھومنے والا نیوٹرون ستارہ۔ جس کی شدید کششِ ثقل نے سیارے کی ساخت کو بگاڑ کر بیضوی بنا دیا ہے۔ جو دیکھنے میں لیموں کی شکل سے مشابہ ہے۔
ماہرین کے مطابق اس سیارے کا ماحول بھی غیر معمولی نوعیت کا حامل ہے۔ جس میں ہیلیئم اور کاربن کی بھاری مقدار پائی جاتی ہے۔ انہی عناصر کی وجہ سے سیارے پر نہایت تیز ہوائیں چلتی ہیں، جو اس کے ماحول کو مزید منفرد بنا دیتی ہیں۔
سائنس دانوں کا کہنا ہے کہ PSR J2322-2650b جیسی دریافتیں کائنات کی ساخت اور سیاروں کی اقسام کے بارے میں موجود سائنسی تصورات کو چیلنج کرتی ہیں۔ اور یہ ممکن ہے کہ مستقبل میں ایسے مزید اجسام دریافت ہوں جو ستاروں اور سیاروں کے درمیان فرق کو مکمل طور پر ختم کر دیں۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
Average Rating