عالمی سیاسی دباؤ ہی نیتن یاہو کو غزہ پر حملے سے روک سکتا ہے، سابق اسرائیلی وزیراعظم
Read Time:52 Second
تل ابیب: سابق اسرائیلی وزیراعظم ایہود اولمرٹ نے کہا ہے کہ عالمی سیاسی دباؤ ہی نیتن یاہو کو غزہ پر حملے سے روک سکتا ہے۔
بی بی سی ریڈیو 4 کے پروگرام ”ٹُوڈے“ کو دیے گئے انٹرویو میں نیتن یاہو کی حکومت کے ناقد ایہود اولمرٹ کا کہنا تھا کہ برطانیہ سمیت دیگر ممالک کا دباؤ کافی نہیں، ممکن ہے امریکی صدر ڈونلڈ ٹرمپ جیسے رہنما ہی توازن کو بدل سکیں۔
برطانوی اقدامات پر تبصرہ کرتے ہوئے اولمرٹ نے کہا کہ جتنی ہو سکے سیاسی مذمت جاری رکھیں لیکن اسرائیلی شہریوں کو اقتصادی پابندیوں کے ذریعے سزا نہ دیں کیونکہ ان میں ایسے لوف بھی شامل ہیں جو جنگ بندی کی خواہش رکھتے ہیں۔
یاد رہے کہ گزشتہ روز برطانیہ نے اسرائیل کے ساتھ تجارتی معاہدے پر بات چیت معطل کر دی تھی، اسرائیلی سفیر کو طلب کر کے مغربی کنارے کے آبادکاروں پر نئی پابندیاں عائد کیں۔
برطانیہ نے دیگر ممالک کے ساتھ مل کر غزہ کی صورتحال کی مذمت بھی کی اور مزید امداد کی فراہمی کا مطالبہ کیا۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating