مودی حکومت کی شکست کا بدلہ نہتے کشمیریوں سے لیا جا رہا ہے: مشعال ملک
Read Time:1 Minute, 20 Second
اسلام آباد: حریت رہنما یاسین ملک کی اہلیہ اور کشمیری سماجی و انسانی حقوق کی کارکن مشعال حسین ملک نے کشمیر کی حالیہ صورتحال پر شدید ردعمل دیتے ہوئے کہا ہے کہ بھارت کو پاکستان سے بدترین شکست کے بعد وزیر اعظم نریندر مودی اندر سے ٹوٹ چکے ہیں اور اس شکست کی شرمندگی چھپانے کے لیے وہ نہتے کشمیریوں پر ظلم کے پہاڑ توڑ رہے ہیں۔
مشعال ملک نے اپنے ویڈیو بیان میں کہا کہ “مودی مار کے بعد مایوس اور بوکھلاہٹ کا شکار ہو چکے ہیں۔ ان کی حکومت کشمیریوں کے خلاف انتقامی کارروائیاں کر رہی ہے۔”
انہوں نے کہا کہ ہزاروں کشمیریوں کو جیلوں میں بند کر دیا گیا ہے اور ان سے زبردستی اعترافی بیانات لینے کی کوششیں کی جا رہی ہیں۔ “مودی سرکار نے کشمیریوں کے کاروبار تباہ کر دیے ہیں اور بھارت میں زیرتعلیم کشمیری طلبہ کو یونیورسٹیوں سے نکال کر ان کی ڈگریاں منسوخ کی جا رہی ہیں۔”
مشعال ملک نے مزید کہا کہ جو بھی کشمیری سوشل میڈیا پر حقائق اجاگر کرتا ہے، اسے خاموش کروا دیا جاتا ہے۔ “یہ سب کچھ مودی سرکار کی شکست کے بعد ہو رہا ہے۔ ان کا صرف ایک ایجنڈا ہے: کشمیر کو کشمیریوں سے خالی کرانا۔”
انہوں نے بھارتی حکومت پر کشمیریوں کی نسل کشی کا الزام لگاتے ہوئے کہا کہ “یہ صرف کشمیریوں پر نہیں بلکہ پوری انسانیت پر حملہ ہے۔”
مشعال ملک نے عالمی برادری اور تمام کشمیریوں سے اپیل کی کہ وہ متحد ہو کر کشمیریوں کو ان کا حق خودارادیت دلانے کے لیے آواز بلند کریں۔ “اب وقت آ گیا ہے کہ ہم سب کشمیریوں کی آواز بنیں۔”
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
Average Rating