پرتگال میں کیبل ٹرین کے حادثے میں 15 افراد ہلاک، متعدد زخمی
Read Time:1 Minute, 1 Second
لزبن : پُرتگال کے دارالحکومت لزبن میں کیبل ٹرین کے حادثے میں 15 افراد ہلاک اور 20 زخمی ہو گئے۔
خبر ایجنسی کے مطابق حادثہ ایوینیڈا دا لیبرداد کے قریب پیش آیا جہاں شہر کی مشہور گلوریا فنیکیولر (کیبل ٹرین) پٹری سے اتر کر ایک عمارت سے جا ٹکرائی۔ابتدائی اطلاعات کے مطابق ٹریک پر نصب کیبل اچانک ٹوٹ گئی، جس سے گاڑی بے قابو ہو کر قریبی عمارت سے جا ٹکرائی۔
لزبن کے میئر کارلوس موئیداس نے اس سانحے کو شہر کے لیے ایک المناک لمحہ قرار دیا ہے جبکہ پرتگالی صدر مارسيلو ریبیلو دی سوزا اور یورپی کمیشن کی صدر ارسلا وان ڈیر لائن نے ہلاک ہونے والوں کے لواحقین سے اظہار تعزیت کیا ہے۔
حکام نے حادثہ میں ہلاک ہونے والوں کی شناخت یا ان کی قومیتوں بارے تاحال وضاحت نہیں کی تاہم بتایا گیا ہےکہ ہلاک ہونے والوں میں کچھ غیر ملکی شہری بھی شامل ہیں۔حکام کے مطابق زخمی 20 افراد میں سے 5 کی حالت تشویشناک ہے۔
برطانوی میڈیا کے مطابق حادثے کی تحقیقات جاری ہیں۔فنیکیولر ٹرین سسٹم لزبن کا ایک تاریخی اور سیاحتی ورثہ ہے، جو 1885 سے چل رہا ہے اور شہر کی پہاڑی گلیوں میں آمدورفت کا اہم ذریعہ سمجھا جاتا ہے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
Average Rating