سندھ کے مختلف شہروں میں گرج چمک کے ساتھ بارش، 300 سے زائد فیڈرز ٹرپ کرگئے
Read Time:46 Second
کراچی: سندھ کے مختلف شہروں میں ہفتے کی شام گرج چمک کے ساتھ بارش سے گرمی کا زور ٹوٹ گیا۔
حیدرآباد، جام شورو اور ٹنڈوالہ یار سمیت سندھ کے مختلف شہروں میں ہفتے کی شام گرج چمک کے ساتھ بارش ہوئی، جس کے باعث حیسکو ریجن میں 300 سے زائد فیڈرز ٹرپ کر گئے اور کئی علاقے بجلی سے محروم ہوگئے۔
اس کے علاوہ حیدر آباد میں مکان کی چھتیں اور دیواریں گرنے سے ایک شخص جاں بحق جکہ 10 افراد زخمی ہوگئے، ٹھٹھہ میں شادی کی تقریب میں لگے شامیانے اور کئی مکانات کی چھتیں اڑ گئیں جس سے 4 افراد زخمی ہوگئے۔ ادھر مٹیاری میں مٹی کے طوفان سے آم کے باغات کو نقصان پہنچا۔
دوسری جانب ڈیرہ غازی خان، میانوالی، لودھراں اور بہاولپور سمیت پنجاب کے دیگر شہروں میں وقفے وقفے سے بارش کا سلسلہ جاری ہے جبکہ بھکر میں آسمانی بجلی گرنے سے 2 افراد زخمی بھی ہوئے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
Average Rating