دس روپے ماہانہ پر انٹرن شپ؟ کمپنی کی پوسٹ نے سوشل میڈیا کو ہلا دیا
Read Time:1 Minute, 14 Second
اسلام آباد: سوشل میڈیا پر ایک وائرل پوسٹ نے کمپنی کے انٹرن شپ کی پیشکش پر سوالات اٹھا دیے، جس میں کہا گیا تھا کہ فاکلن لیبز بیک اینڈ ڈویلپر انٹرن کے لیے صرف 10 روپے ماہانہ انٹرن شپ دے رہی ہے۔ جیسے ہی یہ خبر وائرل ہوئی، سوشل میڈیا پر بحث کا طوفان آ گیا۔
یہ پوسٹ ’ایکس‘ صارف آدتیہ جھا نے شیئر کی تھی، جس میں انہوں نے لکھا تھا ’انٹرن شپ کا موقع‘۔ تصویر میں فاکلن لیبز کی طرف سے ایک بیک اینڈ ڈویلپر انٹرن کی لسٹنگ دکھائی گئی تھی، جس میں صرف 10 روپے ماہانہ اسٹیپنڈ کی پیشکش کی گئی تھی اور اس کا ’کوئی متعین دورانیہ نہیں‘ تھا۔ پوسٹ کے وائرل ہوتے ہی اس پر بحث شروع ہو گئی۔
جیسے ہی یہ کہانی پھیلنا شروع ہوئی، صارفین نے اس کی تحقیقات کی اور پھر یہ واضح ہوا کہ انٹرن شپ کی رقم غلطی سے 10 روپے درج کی گئی تھی۔ کمپنی کے ایک سافٹ ویئر انجینئر نے لنکڈ ان پر ایک پوسٹ شیئر کی اور کہا کہ فاکلن لیبز نے وضاحت کی کہ اصل رقم 10,000 روپے ماہانہ ہے، نہ کہ 10 روپے۔
کمپنی کے مطابق، یہ غلطی ”نوکری ڈاٹ کام“ کے ایک بوٹ کی وجہ سے ہوئی تھی جس نے غلط معلومات لسٹنگ میں شامل کر دی تھیں۔ فاکلن لیبز نے اس بات کی وضاحت کی کہ وہ ایک جائز انٹرن شپ پیش کر رہے ہیں جو کہ فُل ٹائم رولز میں تبدیل ہو سکتی ہے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating