غیر ملکی طلبہ کیلئے جاپان میں تعلیم کے بعد ملازمت کا سنہرا موقع
Read Time:1 Minute, 19 Second
ٹوکیو: جاپان جہاں تیزی سے ترقی کر رہا ہے وہیں یہ ملک عالمی سطح پر اعلیٰ تعلیم کا مرکز بھی بن رہا ہے۔
جاپان کا ہدف ہے کہ وہ 2033 تک 4 لاکھ بین الاقوامی طلبہ کو اپنے تعلیمی اداروں میں شامل کرے گا۔ اس وقت جاپان میں 3 لاکھ 12 ہزار سے زائد غیر ملکی طلبہ جاپان میں زیر تعلیم ہیں۔
ویزا کا آسان عمل
جاپان کی جانب سے ویزا کے عمل کو آسان بنانے کے لیے اصلاحات کی گئی ہیں، جن میں انگریزی میں ڈگری پروگرامز کا اضافہ، وظائف کی دستیابی میں اضافہ، اور ویزا درخواست کے معاملات میں بہتر سہولت شامل ہیں۔
طلبہ کے لیے ضروری دستاویزات میں درست پاسپورٹ، ادارے سے اہلیت کا سرٹیفیکیٹ، مکمل ویزا درخواست فارم، مالی وسائل کا ثبوت، تعلیمی دستاویزات (ٹرانسکرپٹ، سرٹیفیکیٹس)، حالیہ پاسپورٹ سائز تصاویر شامل ہیں کن کی ایپلیکشن کے دوران ضرورت پڑھ سکتی ہے۔
گریجویشن کے بعد ملازمت کے مواقع
جاپان تعلیم مکمل کرنے کے بعد طلبہ کو ورک ویزا کے مواقع بھی فراہم کرے گا، جن میں ڈیزیگنیٹٹ ویزا، جو طلبہ کو گریجویشن کے بعد روزگار کی تلاش کے وقت اپنے ساتھ رکھنا ہوگا اور ورک ویزا، جو خصوصی شعبوں جیسے انجینئرنگ، آئی ٹی، اور بین الاقوامی خدمات میں ملازمت کے لیے جاری کیا جاتا ہے۔
مہارت اور زبان
جاپان میں ملازمت حاصل کرنے کیلیے جاپانی زبان (JLPT N2 سطح) کا علم ہونا ضروری ہے، تاہم مختلف کمپنیاں 2 زبانیں بولنے والے عالمی ٹیلنٹ کو بھی مواقع فراہم کرتی ہیں جو جاپان میں تعلیم اور مستقبل میں آنے والے مواقعوں کا فائدہ اٹھانے کے لیے بہتر راستہ فراہم کرتا ہے۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating