پاکستان اور افغانستان کے درمیان زبان، نسلی، قبائلی اور مذہبی رشتے موجود ہیں، علی امین گنڈاپور
Read Time:59 Second
پشاور: وزیر اعلیٰ خیبر پختونخوا علی امین گنڈاپور نے کہا ہے کہ پاکستان اور افغانستان کے درمیان زبان، نسلی، قبائلی اور مذہبی رشتے موجود ہیں۔
وزیر اعلیٰ خیبر پختونخوا علی امین گنڈاپور سے افغانستان کے سفیر نے ملاقات کی، دوطرفہ تعلقات، باہمی تعاون اور علاقائی استحکام پر تبادلہ خیال کیا گیا۔
ملاقات میں شعبہ زراعت میں بھی بھرپور معاونت کی یقین دہانی کرائی گئی، ملاقات میں وزیراعلیٰ نے افغانستان میں کینسر اسپتال کے قیام میں معاونت کی پیشکش بھی کی۔
وزیراعلیٰ خیبرپختونخوا نے کہاکہ پاکستان اور افغانستان کے درمیان زبان، نسلی، قبائلی اور مذہبی رشتے موجود ہیں، بیرونی طاقتوں کے مذموم عزائم کے خلاف مل کر کام کرنا ہوگا۔
انہوں نے کہا کہ نسلوں کو محفوظ، مستحکم اور پرامن مستقبل فراہم کرنے کیلئے مشترکہ کام کرنا ہو گا، خیبر پختونخوا حکومت افغان عوام کی فلاح و بہبود میں کردار ادا کرنے کو تیار ہے۔
انہوں نے کہا کہ خصوصی وفد افغانستان بھیجنا چاہتے ہیں، وفد اعتماد اور ہم آہنگی کے فروغ میں پل کا کردار ادا کرے گا۔
اس موقع پر افغانستان کے سفیر احمد شکیب نے افغان مہاجرین کا خیال رکھنے پر حکومتِ خیبر پختونخوا سے اظہارتشکر کیا۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
Average Rating