وزیراعلیٰ پنجاب کا گاؤں میں پختہ گلیاں، سڑکوں کی بحالی اورچلڈرن پارک بنانے کا منصوبہ
Read Time:57 Second
لاہور: وزیراعلیٰ پنجاب مریم نواز نے گاؤں میں پختہ گلیاں، سڑکوں کی بحالی اورچلڈرن پارک بنانے کے منصوبے کا جائزہ لیا۔
وزیراعلیٰ پنجاب مریم نواز کی زیر صدارت خصوصی اجلاس منعقد ہوا جس میں مثالی گاؤں، ستھرا پنجاب اور ویسٹ ٹو ویلیو پراجیکٹس پر بریفنگ دی گئی اور پنجاب میں 1200 دیہات مثالی گاؤں بنانے کے پراجیکٹ پر پیش رفت کا جائزہ لیا گیا۔
بریفنگ میں بتایا گیا کہ ہر مثالی گاؤں میں 24 گھنٹے واٹر سپلائی ہوگی، سیوریج نیٹ ورک اور ویسٹ مینجمنٹ ٹریٹمنٹ پلانٹ بنیں گے، مثالی گاؤں میں پختہ گلیاں، سڑکوں کی بحالی اور چلڈرن پارک بنیں گے اور شجر کاری بھی کی جائے گی۔
مثالی گاؤں میں گھروں پر نمبر لگائے جائیں گے اور سائن بورڈز نصب ہوں گے، سولر سسٹم سے چلنے والے واٹر سپلائی ماڈل اورسیوریج سسٹم بنائے جائیں گے، پراجیکٹ کے تحت پائلٹ فیز کے 130 دیہات میں ترقیاتی منصوبے مکمل ہوئے ہیں۔
وزیراعلیٰ پنجاب نے مثالی گاؤں پراجیکٹ کی جلد تکمیل کیلئے ڈیڈ لائن طلب کرتے ہوئے کہا کہ مثالی گاؤں پراجیکٹ میں ترجیحات کا تعین کیا جائے، پنجاب کے ہر دیہات کو مکمل طورپر بہتر کیا جائے گا۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
Average Rating