فیصل بینک اور’اوپے‘ :پاکستان میں سب سے بڑی بینکنگ فن ٹیک شراکت داری
Read Time:1 Minute, 31 Second
اسلام آباد: پاکستان کے معروف اسلامی بینکوں میں سے ایک فیصل بینک لمیٹڈ (ایف بی ایل) نے اپنے چائنیز فن ٹیک شراکت دار OPay کے ساتھ مل کر قلیل مدت میں 100 ارب روپے سے زائد کی ڈیجیٹل ریٹیل ادائیگیاں کرکے نئی تاریخ رقم کردی ہے۔
یہ شاندار کامیابی فیصل بینک کے دور اندیش اور جدید وژن کی عکاسی کرتی ہے، جس کے ذریعے بینک نے ڈیجیٹل ادائیگیوں کے شعبے میں محفوظ اور نقدی سے پاک لین دین کو فروغ دینے کا عمل مزید تیز کردیا ہے۔
فیصل بینک کے ہیڈ آفس میں منعقدہ تقریب میں دونوں اداروں کی سینئر مینجمنٹ نے شرکت کی۔ اس موقع پر فیصل بینک کے صدر اور چیف ایگزیکٹو آفیسر یوسف حسین نے کہا، ”فیصل بینک ہمیشہ جدید سلوشنز فراہم کرنے میں پیش پیش رہا ہے، جن کا مقصد ایس ایم ای اور ریٹیل پیمنٹ کو ڈیجیٹل بنانا ہے۔ ہم شراکت داری کو فروغ دینے پر یقین رکھتے ہیں تاکہ ایک ایسا نظام تشکیل دیا جاسکے جس کا تمام اسٹیک ہولڈرز اور صارفین کو فائدہ ہو اور ساتھ ہی بہترین نتائج کے لیے مشترکہ فریم ورک بھی بنایا جاسکے۔ OPay کے ساتھ اشتراک کا مقصد ایک ایسا سازگار ماحول فراہم کرنا ہے جو تمام شراکت داروں اور صارفین کے لیے یکساں اہمیت کا حامل بنے۔”
اوپے (فنجا) کے چیف ایگزیکٹو آفیسر زیب خان نے کہا،”ہمیں فیصل بینک کے ساتھ یہ سنگ میل عبور کرنے پر فخر ہے۔ یہ ہماری شراکت کی مضبوطی اور تاجروں و صارفین کے اعتماد کا ثبوت ہے۔ ہم مل کر جدت اورڈیجیٹل ادائیگیوں کو مزید قابل رسائی بنانا چاہتے ہیں۔”
فیصل بینک اور OPayکی شراکت داری پاکستان کے ڈیجیٹل فنانشل انفرا اسٹرکچر کو مستحکم بنارہی ہے۔ جدید مرچنٹ ڈیجیٹائزیشن سروسز کی فراہمی، مالی شمولیت کا فروغ اور ایک جدید نان کیش معیشت کی جانب پیش قدمی اس اشتراک کی اہم خصوصیات ہیں۔
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0 
Average Rating